Notes| July 2018

Гэрээсээ хамгийн удаан, хамгийн хол ганцаараа байж үзсэн сар байлаа.

Continue reading “Notes| July 2018”

Advertisements

Notes| June 2018

36357010_1950336058351361_3137553032263237632_n

Бүтэн сартай шөнөөр зуны зургадугаар сар өндөрлөж байна даа. Яг одоо тагтны цонхоор харагдаж байгаа тэр том сар луу яг энэ мөчид хичнээн хүн харж байгаа бол. Надтай адилхан сартай ярилцдаг, нууцаа хэлдэг олон хүн байдаг байх. Ямар нэг илбэ шид, мухар сүсэгт итгэсэндээ биш зүгээр л сар миний нууцыг чимээгүй хадгалж чадахаар, надад хэнээс ч илүү итгэх юм шиг санагддаг болохоор түүнд бүхнээ шивнэдэг. Зун болохоор миний нойр алга болчихоод байдаг. Нойргүй болсон шөнөө түүнд хандан тагтан дээрээ суух нь миний хамгийн дуртай мөч. Өнгөрсөн зун нээх их бороо асгарсан шөнө гэнэт их эмөүшнд автаад сарны дор нулимс унагатлаа бодолд орсон бүхнээ бичиж байсан. Тэгж биччихээд чигтээхэн их тайвшраад саранд баярлалаа гэж хэлээд нам унтаж билээ. Үүнээс хойш сар луу харахдаа тэр бороотой өдрийг санаж өөрийгөө шоолдог. Дэндүү эмо.

Саранд өөрийнхөө хамгийн өрөвдөлтэй, эмзэг байдлыг харуулсан болохоор одоо тэр миний юу руу зорьж явааг, хэн гэдгийг минь сануулдаг гэрэлтүүлэгч болсон. Түүн рүү хараад миний юу гэж амласныг санаж байна уу? Зөвхөн та л мэднэ гэж дотроо хэлэхэд над руу Тиймээ охин минь гээд ирмээд байгаа юм шиг санагддаг.

Дурсамж

  • Big Snooze-тэй учирсан. Давчихвал дараагийн level-д орно.
  • Харцаа түрүүлж буулгаагүй тэр өдрийн өөрөөрөө бахархаж байгаа. Их урт өдөр байсан шүү.
  • Хэрэгтэй үедээ гаргаж тоглодог авдранд хийсэн тоглоом шиг л санагдаж байна. Гаргаж ирэх болгонд нь сайхан хандах хэрэггүй юм болов уу эсвэл авдраас нь гараад зугтчихдаг ч юм уу
  • Одоо хүлээн зөвшөөрч байхыг бодоход эгч бид 2 том болжээ. Сайн хүн байгаасай.
  • Зуны орой гэрийнхэнтэйгээ хийсэн бяцхан зугаалга. Гэрээс гарахдаа бухимдсан байсан хүмүүс ойн чийг, сэрүүн салхинд сайхан тайвширсан даа. Дараа нь орцны найзууд шиг дэлгүүрийн гадаа усан оргилуурын дуу сонссон шигээ тойрч зогсоод чипс, ундаа уугаад л. Яг үүн шигээ хамтдаа удаан байх юмсан.
  • Хамгийн дотны 2 найзтайгаа хамтдаа нэг өдрийг үнэхээр дурсгалтай гоё өнгөрүүлсэн. Нэгнийхээ гарын хоолыг идсэн. (карритай будаа) Киногүй яаж байж болох билээ нээх урт кино Amadeus-г( их сонирхолтой, хөгжимтэй кинонд угаасаа дуртай болохоор таалагдсан, бас тэр Моцартын инээд) өглөө босч үзсэн учир нь үзэх киногоо шийдэж чадахгүй зөндөө удаад, өөр хүнээс асуутал шөнийн 4 цагт үзэх гэж байгаа хүмүүст 3 цагийн урт кино санал болгодог байгаа. Киногоо дөнгөж эхлүүлэхэд тэнгэр цэнхэртэж ирээд харин бидний нүд эсрэгээрээ анилдаж ирээд гүн нойрондоо автсан даа. Өдөр нь жигнэмэг, Англи цай, өндөгтэй талх идэнгээ дуртай дуунуудаа сонсож цайлаад, Мөрөөдөл, ирээдүйн тухай хүн сонсвол ичмээр нууцхан яриа өрнүүлсэн. Их гоё байсан. Таван жилийн дараа уулзаад ярих байхдаа. Үнэхээр гоё өдөр байсан. Та 2тоо баярлалаа. Удахгүй ганцхан өдрийн дараа бүр ч их гоё өдрүүд ирэх гэж байна. Сайн найзтайгаа 1 сар хоёулхнаа амьдарна. Их догдлож байна шүү.
  • Долдугаар сарын турш бараг пост оруулж чадахгүй байх. Харин олон ноорог, тэмдэглэл, туршлагатай болоод ирнээ.
  • Блог минь аль хэдийн 102 посттой болжээ. Вүү~
36359663_1950305491687751_3697602959341780992_n
Миний хайртай 2 хүн хамтдаа. Дунд нь ороод зогсчих юмсан.

Уншсан ном

Хар үхэр, Алаг сүүдэр Ц.Буянзаяа- Урлагийн хүний амьдрал, энгийн харагдах хүмүүсийн нүднээс далд солиорлууд, Монгол эмэгтэйчүүдийн нийтлэг хүсэл, одоо ч өрнөж байж болох үйл явдлууд.

When breath becomes air Paul Kalanithi- Пост бичсэн.

Таалагдсан дуу кино

Taeyeon- Something new album 2018

Хамгийн таалагдсан дуу нь One day

Hyukoh- Love Ya-г сонссоор байгаа. Pride month болохоор сонсож байгаа дуу үзсэн кино бүгд санаандгүй тийм төрлийн болж таарсан байна. Love Simon хөөрхөн кино байсан. Kissing Booth ч бас. Joey King үнэхээр хөөрхөн шүү, ийм том болчих гэж. Нээрээ To all the boys I’ve loved before –номын кино нь гарах гэж байгаа юм билээ. Гол дүрийн охиныг номынх нь cover-оор төсөөлж байсан чинь өөр байсан. Ном нь хөөрхөн байсан ч трайлерийн үзээд нээх үзмээр санагдаагүй.


Be with you 2018

Япон хувилбраа бодвол илүү хөгжилтэй, үйл явдал, өнгө дүрслэл нь их таалагдсан. Son Ye‑jin-ы тоглосон бүх романтик кино гоё шүү. Дахиж үзмээр санагдсан.
Incredibles 2
Багадаа дуу оруулгатайг нь үзэж байсан болохоор охиных нь хоолой, нүүрийг нь бүхлээр нь хараад эхлээд цочирдсон шүү. Тийм гэж төсөөлөөгүй болохоор. Хүлээлтэнд хүрсэн хөөрхөн кино байналээ. Олон мессэжтэй. Мinion 2 шиг байхвийдээ гэж айж байсан юм. Жак жакаас жаахан айсан шүү. 3дугаар анги гараасай. Дахиад арван хэдэн жилийн дараа гарвал гоё ч юм уу.

Таалагдсан бичлэг

Lavendaire-ийн DREAM LIFE SERIES. Lavendaire-н хийж байгаа болгон нь үнэхээр үлгэр, урам авмаар шүү.
Add heading (1)

Notes|May 2018

Олон зүйлийн талаар их зүйлийг таньж мэдсэн сар байлаа.

Олон хоног шуурсан шуурга нэг юм намдаж тайван зогсоод юу болж өнгөрснийг эргэн бодож, дүгнэх боломжтой болоод сууж байна.

Continue reading “Notes|May 2018”

Notes|October 2017

Аравдугаар сараа баяртай.

Энэ сарыг байж болох хамгийн өгөөжтэй, эмх цэгцтэй байлгаж, миний удирдлаганд оруулсан Bullet Journal-даа талархая. Youtube дээрх бичлэгүүд шиг айхтар чимэглээгүй, дэвтэр нь ч өөрөө хямдхан боловч наддаа яг болж байгаа. Journal нээх бүртээ миний амьдрал миний удирдлаганд байна гэсэн амар тайван мэдрэмжийг авч байна даа.

Continue reading “Notes|October 2017”